لابد يعم السلام علي الأرض

لابد يعم السلام علي الأرض
-------------------------
ليه احنا بس بنتحارب .......................... ونتقاتل في كل مكان
بنحب ليه دايما روحنا .......................... ونتهاون في حق الناس
عشان الطبيعة تحب الحرب ................... وهية ظالمة وغافلة كمان
عطشانة للدم بكترة ........................... وهية دي صفة الحيوان
ولما تفضل كدة بيننا ......................... ما يجيش معاها نجاح وفلاح
ماهي كل دي صفات مذمومة ................. لازم يغيرها الانسان
من رحمة الخالق بينا ......................... بعت لنا وحي الهي
يقدر يطهر أرواحنا ............................ من الطبيعة وفسادها
عشان ما نتحلي بكمالات ..................... ونبقي مهبط للفيوضات
والأنبيا قالوا هاييجي ........................ عصر السلام ع الأرض كمان
والانسانية ها تتبدل ............................ وأكيد يعم عليها سلام
وساعتها ننسي القتل كمان ................... وتحل المحبة بين الأقوام
وترتفع راية الوحدة ........................... والاتحاد في كل مكان
وتيجي محبةوييجي وئام .................. بدل العداوة والخلافات
ونتعامل مع بعض تمام ........................ بكل عدل وكل حنان
ونتعاون في كل مكان .......................... علي المحبة والاخلاص
رغم المشاكل والصعوبات ..................... آن الأوان نبقي في وحدة
ننسي المشاكل والخلافات ..................... ونبقي كلنا ايد واحدة
ربك وقال ان كنت عدول ....................... زي ما ليك يبقي لغيرك
لكن حلاوة الفضل كمان ....................... تبدي غيرك علي نفسك
وبدل ما نهدر في فلوسنا ....................... علي الدمار والحرب كمان
نخضر الأرض الصحرا ...................... وتبقي جنة للانسان
ونعيش حياة حلوة سعيدة ...................... لأجل ما يرحمنا الرحمن

congratulation u r very good nice cute friend , with my best wishes urs atef

أشكرك يا استاذ عاطف علي تعليقك الجميل مع تمنياتي لك بدوام التوفيق.