ظلم الانسان لأخيه الانسان

جونا وقالولنا في الإعلام ......تعالوا نشوف إيه حكايتكم
وجابولنا واحد صحفي همام ...عمال بيشتم ويهاجم
لا ليه لا منطق ولاهو كمان ....يعلم بشيء عن عقيدتنا

حرض علينا كل الناس........ دول عملوا فتنة وكفره كمان
قال لازم إنتو ترموهم ........جوه السجون الخربة كمان

صحا النفوس الضعفانة ......تخرب بيوت وتشرد ناس
قال إيه عشان بيصون دينه...وهو عنه بريء ندمان

من امتى الدين بيقول خرب...من امتى الدين كان مش متصان
الدين ياناس من عند الله......وهو قال عنه أنا مسئول
وكلام ربك مش محتاج ....لأي حد يصونه كمان

عمره ماقال إن الإنسان ....يضر كده بأخوه الإنسان
هو اللي خلق الكون عاجز..عن إنه يحمي دي الأديان

يعني انتو بس بتظلموا ناس..من غير لاحجة ولا برهان
هما ارتضوا طريق مولاهم..وانتو اخترتوا ظلم الإنسان

ابدعتي الحبيبة مديحة ربنا يبارك فيك ويقويك ويجعلك دائما نباضة بكل جديد

شكرا لك الحبيبة سونيا وفقك الله وايانا الي خدمة أمره الجليل ولك تحياتي