فرحة عمري وهنا وجداني
زهرة جميلة بين احضاني
حلوه الطله يحرسها الله
أدعو معايا يارب إن شالله
تملا حياتي فرح وأماني
فرحة عمري وهنا وجداني
فرحة عمري وأحلى هديه
شافها فؤادي قبل عينيه
غنوة اتغنت بين اشجاني
فرحة عمري وهنا وجداني
يوم ورا يوم الحلوة بتكبر
تفرح تضحك تحلو أكتر
والله البسمة دي زي السكر
ونظرة عينها أحلام وأماني
فرحة عمري وهنا وجداني
فرحة عمري اترسمت صورة
هى حمامة .. ولا يمامة
لأ دي في رقة العصفورة
كانت نونو امبارح لسة
وفجأة لقيتها ياناس دكتورة
فرحة عمري وهنا وجداني
كبرت والله فى قلبي الفرحه
أمتى اشوفها بتاج وبطرحه
وسط زهورها تكون وردايا
وأقول قمره وسط صبايا
شمس وضيها نور عمري
ونسة ليلي ونجم سمايا
فرحة عمري وهنا وجداني
قصيدة للغالية المحترمة امال رياض بمناسبة تخرج وتفوق ابنتها الدكتورة ريهام الصيدلانية الرقيقة الجميلة