بعض كلامك فعلا صح...لكن هل المفروض ان المسجد ييجي عند كل واحد ويجبره علي انه يروح المسجد ويتلقي خدمات من اي نوع؟؟؟هو مين اللي المفروض يخدم التاني؟؟؟والأحسن ان الإنسان يهتدي إلي طريق الحق بالإجبار ولا بالبحث؟؟؟ده حتي من اهم الحاجات اللي انتو دايما تدعو ليها وبنشجعكم عليها,,,ثم ان ماتنفعش المقارنة بالطريقة دي بين المسجد والكنيسة لأن المقارنة دي مالهاش معني بالمرة,,,انا مثلا مش بشوف مسيحي واقف علي الناصية لان نسبة كبيرة منهم تقوم الكنيسة بتوظيفهم ,,والمسجد مش بيقدم خدمة اجتماعية زي دي....المفروض ان حاجة زي دي يكون ليها معني معين؟؟؟يكون ليها أثر ضار علي الاسلام مثلا؟؟؟لا طبعا....وبعدين ربنا بيقول((لا إكراه في الدين))واللي تنصر هو حر في كده ومش من حق حد انه يعارضه في ده أبدا...وفي المساجد سواء كانت صغيرة أو كبيرة دروس تقام يوميا,,انا بشوف كده وعارف ان في دروس علم وقرآن كريم وفقه وكل شئ ولكنها ليست إجبارية واللي عاوز يتبرع لحاجة للمسجد بيتبرع,,مش فرض يعني,,وانا بطلب من حضرتك تنزل تشوف المساجد عاملة إزاي وتشوف كمان الكنائس عاملة إزاي...مفيش في المساجد سياسة التلقين اللي موجودة في أي مكان تاني,,,إن المتلقي للدرس يستقبل عبارات ومعلومات مغلوطة عن حاجة معينة أو شخص معين علشان يبعد عنه ونقول عليها في الآخر دروس وعظ وإيمان,,,بقي ده اسمه كلام؟؟؟لما يبقي يتعمل دروس مخصوص علشان يتقال ان القرآن أوحاه الشيطان لمحمد ونقول عليها دروس وعظ وايمان وعلي المساجد تقليدها يبقي عيب....ولما نفرض علي المسلم ان تعليمه الديني وليس ((تعلمه الديني))لازم ياخده من المسجد يبقي في تضييق لمساحة الفكر والعقل ومش منطقي ابدا...الفكر فريضة إسلامية زيه زي الصلاة والصوم والحج والزكاة ومش المفروض الحجر عليها بطريقة او بأخري بمسمي كويس أو غيره
وشكرا علي اهتمامك وردك