حفيدي الغالي بيتألم

حفيدي الغالي

حفيدي حبيبي بدعيلك ........... من قلبي ربنا يشفيك
ياخد بايدك ويزيدك ............ من نعمته واليه يهديك
وتكبر انت وتبقي سعيد ........... والكل برضه ها يبقي سعيد
انت السعادة وانت الحب .......... وانت الهنا من جوة القلب
بادعي اليك ربي تصونه ........... وتحفظه من كل آلام
وترجعه لأمه في الحال ............. ويشفي ويبقي عال العال
من لهفتي عايزة أجيلك ............. ولو راح أمشي علي الأقدام
لاجل ما طمن قلبي عليك ........... وأطمن انا علي ابني كمان
جرحك في قلبي جرح كبير ......... ولكن ربي أكيد يشفيه
علاء حبيبي بيتألم .................. وانا قلت يارب تسلم
والدم يمري عليه علي طول ....... ويساعده ربنا ويتمم
ساعة ما قالوا انك تعبان ........... ماقدرتش اسند نفسي كمان
وبصوت جريح قلت يالله ........... تشفي حبيبي وتبقي معاه
وتريح قلب امه وابوه .............. وتعيده لينا زي زمان
عشان ينور لينا البيت .............. ويبهج كل حياتنا كمان
علاء أكيد راح يشفي تمام ......... وده وعد من ربي الرحمن
قال ان بعد الشدة رخاء ............. ومع الكدارة يبقي صفاء
يارب بحفيدي تفرحني ............... وبرحمتك انت تداويه
يرجع لأمه زي ماكان ................ ويشفي تمام من كل ما فيه

اضم صوتي لصوتك ياحبيبتي ربنا يشفيه ويتم عليه الصحة والسعادة ويفرح قلب امه وابوه ويطمن الجميع عليه من قلبنا بندعيله بالشفاء العاجل

اختي الحبيبة سونيا
أشكرك علي شعورك الطيب وربنا يكتب الشفاء لكل مريض ويجعلك دائما سندا لنا .

اختي الحبيبة سونيا
أشكرك علي شعورك الطيب وربنا يكتب الشفاء لكل مريض ويجعلك دائما سندا لنا .